|

#266 St. Jago

👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾

Apresiabel tur hende ku ta biba aki na Kòrsou.

Limpiesa éksitoso den Santiago.
Promé paso pa un bario mas limpi i sigur.

SINT JAGO – Den e bario di Sint Jago awe ( 28 di yuni) tabatin un limpiesa profundo, organisá pa fundashon BAN KRESE HINTU i THE KUNUKU MAN. E Akshon di limpiesa tabata posibel danki na un supsidio di Ban Biba Bario i e tabatin dòbbel meta. Habitantenan a uni i limpia nan bario i a hasi un inventarisashon di kua kas ta ‘safe’ i asina a bini na remarke pa un aparato pa meldu den kaso di kandela.


Habitantenan, boluntarionan i koperadónan den ambos organisashon a traha duru pa por a limpia e bario. E resultado tabata unu impresionante di 202 kiloooooooooo di shushi ku a piki. A pone tur glas, boter di plestik i bliki ku por resiklá apart. Banda di esei a yena 2 konteiner di Dijk Transport ku shushi grof i shushi ku ta bula.


E kolekshon di glas, bliki i plestik no solamente ta kontribuí ku un ambiente mas limpi pero tambe por resulta den un bienestar finansiero pa e habitantenan. Dor di trese materialnan ku por risaikel surtí, nan por risibí un compensashon. Ku esaki the Kunuku Man ké demonstra ku afval no solamente ta un peso pa medio ambiente pero alabes e tin su balor si atendé ku né di un manera adekuá.
www.kunukumanrecycle.com

E habitantenan di St Jago Giovanni Ignacia en Erwin Sprott ta mira bek ku satisfakshon riba e akshon.
Ta grandioso pa mira kuantu habitante awe a duna un man. Nan dedikashon ta muestra di nan gran deseo pa traha huntu pa un bario kaminda por biba plasentero i seif.


E organisashon ta mira e akshon di limpiesa aki komo un promé paso pa un limpiesa mas amplio pa Sint Jago. Den e periodo ku ta sigi ta bai inventarisá bibiendanan i lo pone e aparatonan pa meldu kandela pa asina amplia e seguridad den e bario.

Ku e dedikashon di habitantenan, boluntario, Fundashon Ban Krese Hintu i e Tìm di the Kunuku Man a pone un base importante pa un Sint Jago mas limpi i séif pa biba.

Pa mas informashon tokante e aktividatnan di the Kunuku Man wak www.kunukuman.com

Mas informashon tokante e programma di supsidio Ban Biba Bario ta optenibel via http://www.banbibabario.org

Na nomber di the Kunuku Man ta bai un gradisimento na e TREMENDO BOLUNTARIONAN di awe. MASHA MASHA MASHA DANKI na bosnan tur.


SOLAMENTE HUNTU NOS TA LOGRA !!!

Pa esnan ku ké yuda ku e akshonnan di limpiesa semanal djies app the Kunuku Man riba +59995638674 i pro to nos li topa.

Finalmente the Kunuku Man ta deseá tur ku e lesa e informashon aki un bunita siman peeeeeeeeeeeeeeeeeeero primordialmente unu LIMPI.🤠 Korda kompartí.👊🏽

Similar Posts

  • #115 SVB Otrobanda

    👍🏾🇨🇼👍🏾Korsou MESTER bira mas limpi !!!👍🏾🇨🇼👍🏾 E akshon di limpiesa semanal (number 115) di awe a kai riba dia di aña di Kunuku Man. I kerido hendenan ku ta benta tur nan afval den naturalesa esta un bunita BUNITA REGALO mi a risibí serka boso.Masha masha masha masha danki pa esaki !!! PAKIKO ???? 365…

  • #102 Boca Sami

    👍🏿🇨🇼👍🏿 Korsou MESTER ta mas Limpi!!!👍🏿🇨🇼👍🏿 Mensahe pa henter Korsou. Awe (13 di november) tabata turno di KAYA MA PIETERNELLA na BOK’I SAMÍ. E mihó team di limpiesa di Korsou apenas riba un distansha di 2 pa 3 km a rekohé atrobe demasiado shushi. Tuma nota di e lista kwantu glas e personanan ku ta…

  • #213 Habaai kwé direkshon di Ser’i Dòmi.

    👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾 Estimado Shushadónan di Kòrsou. Apesar di ku awe (27 di aprél) e “Mihó Team di LimpIesa” apesar di sirkunstanshanan no tabata bon representá e grupo di 9 persona a demostrá balentía i dedikashon kompleto. Na unda esaki tabata? Riba NIJLWEG na altura di e lusnan di trafiko na Habaai…

  • #247 Kaminda pa Wèspén entre Sambil

    👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾 Na tur ku ta lesa e mensahe aki. Awe (11 di yanüari) e akshon di Limpiesa semanal tabata unu hooooopi tristu. DIKON ANTO? Pa motibu ku riba in distansia di 2500 meter e resultado tabata hooooopi desepshonante. Simplemente un BERGUENSA !!!! Awe tabata na tur o Kaminda pa Wèspén…

  • #246 Kaya C. Winkel

    KÒRSOU MESTER BIRA MAS LIMPI !!! Apresiabel Kompatriotanan.  E promé akshon di Limpiesa di e aña nobo ya ta un echo. I The Kunuku Man mester bisa ku di e bon intenshonnan pa drenta 2026 ku un Kòrsou mas limpi nos a ripará masha poko. E héroenan di awe (4 di yanüari) a piki enormemente hopi…