#77 Nijlweg / Kaya Tula
👍🏿🇨🇼👍🏿 Korsou mester bira mas limpi! 👍🏿🇨🇼👍🏿
Un mensahe pa henter Korsou.
Djadumingo 15 di mei e team di limpiesa di Korsou atrobe a duna un prestashon espektakular. Naturalmente no mester tabata nesesario. E akshon di limpiesa a tuma lugá na e kaminda ku ta kore paralelo na Nijlweg Kaya Tula. I Mi Pueblo di Korsou atrobe e resultado tabata unu di hopi tristesa i berguensa! Awor ta parse ku ta normal ku nos ta usa Korsou kompleto komo Landfill. Nos ta dorné ku shushi!!! Nos no por kaba di komprendé pakiko ta trata Korsou di e manera aki. Pakiko no ta mantené un saku den bo outo pa tira bo bòter, e kùp i otro sushi den dje i tiré den bo kliko na kas? Ban mustra ku nos stima Korsou! Ban mustra nos sentido síviko, ban krea un Korsou limpi pa nos mes i nos junan. Fásil tòg??
Esaki atrobe e resultado tristu di e siman aki riba un distansha di apenas algun meter:
750 pida bliki di aluminio (risaikel)
560 pida bòter di plastik (risaikel)
1325 pida glas (risaikel)
132 kilo otro afval. (landfill)
Na tur un total di 423 kilo. Shonnan no por sigui asinaki. Porfabor juda tene/hasi Korsou limpi!
Awe atrobe Kunukuman ta ekspresá palabranan di gratitud na tur e balentenan ku ta tuma nan tempu pa piki shushi ku Korsou ta risibí serka su junan. Laga nos unanimamente stop di shusha Korsou i duna amor i rèspèt na nos isla. Por fabor tira bo afval den kliko of barí di shushi disponibel pa esaki.
Un mensahe di Kunukuman: si kada un di nos piki 5 pida shushi ku nó mester ta riba kaya i stop di usa Korsou komo landfill nos ta bek na un Korsou limpi i bunita!
Pa mas informashon /notisia encuanto shushedat, bishita mi website, oké? Ta bale la pena sigur! www.kunukuman.com
Kunukuman ta deseabo un siman limpi.🤠
Por fabor sigi kompartí e post aki.
