#126 H.M. Wiels boulevard
👍🏾🇨🇼👍🏾Kòrsou MESTER ta mas limpi !!!👍🏾🇨🇼👍🏾
Kerido hendenan ku ta biba riba e isla aki.
Kon bon lo ta si bo ta para na un parada di bus i e ta mira asina limpi manera e portret aki bou.
Limpi toch?
Awel, esaki ta e “after-foto” despues ku e mihó tim di limpiesa di Kòrsou, e tim di Kunuku Man, a hasi limpiesa. Loke nos a haña na Helmin Magno Wiels boulevard, na e rotonde kaminda Aqualectra substation ta keda, tabata absurdo atrobe. Pa medio di bosmaaiers hopi sushi ku tabata keda a keda kibra tur. E boluntarionan di Kunuku Man tim tabata dilanti e reto pa saka tur e sushi for di mondi.
E lista tristu di loke nos a limpia awe riba un distansia di 200 meter ainda, na tur dos banda di kaminda:
Botter bashí; tur marka i tamañonan: 160 kilo!!! (recycling)
Blikchi di aluminiu; henter, plat pisa. Tur marka: 4 kilo!!! (recycling)
Botter di plástik; rondó, henter, kasi desintegra. Tur marka: 14 kilo!!! (recycling)
Sushi grandi; 7 saku yen. 43 kilo!!! Ademas sushi grandi suelto: 15 kilo!!! (Selikor)
Atrobe un 236 kilo sushi hopi bista ku tabata den naturalesa.
Reklama tremendo pa e isla bounty aki!
Naturalmente un aplauso grandi pa e boluntarionan presente. Nan a enfrentá e kalor di e dia aki pa duna un tiki Kòrsou un bista limpi atrobe.
Tip di siman!!!
Tene bo isla mes limpi manera bo outo ,oké ?
Problema di Sushi Rondó SOLUSHONÁ !!!
Pa hopi hopi informashon tokante e PROBLEMA DI SUSHI mira www.kunukuman.com
Si tin mas hende ku ke yuda pa Kòrsou bira LIMPI, no tin berguensa i registrá bo via +59996638674, oké ??
Finalmente Kunuku Man ta deseá tur hende un SIMAN LIMPI, LIMPI, LIMPI.🤠 Kompartí: Si toch?