#137 Arubawewg

👍🏾🇨🇼👍🏾Korsou MESTER bira mas limpi !!!👍🏾🇨🇼👍🏾

Estimado kompatriotanan !!!

Awe (20 di ougùstùs) e limpiesa semanal a tuma lugá na ARUBAWEG. I lamentablemente no tabat limpi. E akshon aki tabata konosí serka polis i nos a haña pilon serka nan pa e limpiesa por a tuma lugá di un manera sin peliger. I The Kunuku Man mester bisa ku tur kos a kana bon. Automobilistanan a kopera hopi bon. Pero awó ta e idea pa no tira shushi for di outo pa asina nos no tin mester di pone pilon pa hasi limpiesa. Ganashi tur dos banda!!!

Despwes di traha duru e Mihó Team di limpiesa di Korsou a piki hopi shushi riba un distansha di 2.5 kilometer.

Wak e lista

800 X BÒTER DI SÉRBÉS I ROM BASHÍ = 160 KILO. (GLASBAK)

300 X BLIKI DI ALUMINIO 4 KILO. ( RISAIKEL)

400 X BÒTER DI PLÈSTIK 8 KILO. (RISAIKEL)

11 KILO DI OTRO PLÈSTIK ( RISAIKEL FUSE CARIBBEAN)

98 KILO DI SOBRÁ DI ROTSOI (LANDFILL)

PA UN TOTAL BERGONSOSO DI 281 KILO.

The Kunuku Man ta yama danki na e BOLUNTARIONAN FANTÁSTIKO di awe.
MASHA MASHA MASHA DANKI !!!

Shonnan hasi bo mes i nos isla un fabor. RUIM BO ROTSOI MANERA DEBE SER, BON?

Tip di siman di Kunuku Man Limpia un pida di bo mes kaya. Huntu if bo só, hasié pa Korsou.

Pa hopi informashon tokante e problema di shushi mira www.kunukuman.com

Si bo ke yuda ku limpiesa, app mi riba +59996638674 i próximo djadumingu bo ra huntu ku nos.

Finalmente The Kunuku Man ta deseá un i tur un bunita siman, pero primordialmemte unu LIMPI !!!!🤠