Team di mantenshon Faisel GMN
GMN ta establesé Team di mantenshon Faisel GMN, pa denunsiá delitonan di medio ambiente kometé na Kòrsou.
GMN, e Ministerio di Salú, Medio Ambiente i Naturalesa di Kòrsou, a anunsiá establesimento di Team Faisel GMN; un Team nobo dediká na hasi denunsia di delitonan kometé kontra medio ambiente di Kòrsou.
Por komuniká ku Tea Faisel GMN via di e numbernan di telefon
525 2587 of 0800 -0877.
Tambe por registrá via di un formulario speshal. Bo por haña esaki dór di (klik aki.)
Faisel GMN ta monitoreá e delitonan ambiental aki na Kòrsou.
Tambe e Team tin outorisashon pa hasi investigashonnan, duna multa i drenta den akshon legal pa esaki i otro delitonan ambiental si ta nesesario.
GMN ta pidi tur siudadano di Kòrsou pa yuda kombatí e delitonan ambiental i hasi denunsia di aktividatnan sospechoso na Faisel GMN.
Solamente trahando huntu nos por krea un ambiente mas limpi i sano pa nos tur.
E delito ambientalnan aki por ta di diferente forma. Entre otro:
Dumpmentu di shushi ilegal na lugánan ku no ta destiná pa esaki manera den naturalesa i kantu di kaya.
Deskarga di sustanshanan peligroso p. e. Produktonan kímiko, zeta i otro sustanshanan dañino pa medio ambiente sin e permitnan adekuái sin sigi reglanan nesesario pa esaki.
Kontaminashon di huma por ehèmpel emishon eksesivo di huma òf otro sustansha peligroso di fabrikanan, vehíkulonan i otro fuentenan
Kapmentu di palu sin permit adekuá ademas sin kumpli ku reglanan pa esaki.
Jagmentu i mantenshon ilegal di animalnan salvage.
Contact:
Faisel GMN numbernan di telefon: 525 2587 of 0800 -0877.
Wepsite: