#205 Pirate Bay
👍🏾🇨🇼👍🏾KÒRSOU MESTER BIRA MAS LIMPI !!! 👍🏾🇨🇼👍🏾
Apresiabel kompatriotanan.
Awe (16 di febrüari) “E Mihó team di limpiesa di Kòrsou” a hasi limpiesa rondó di Pirates Bay.
I tabata inkreíblemente shushi.
Wak e imahennan. Esakinan ta bisa tur kos.
Despwes di 2 ora i mei ta esaki ta loke a piki. 🔽
710 X BÒTER DI SÉRBÉS BASHÍ = 142 KILO. (BAKI DI GLAS)
650 X BÒTER DI PLÈSTIK = 13 KILO. (GREEN PHENIX)
375 X BLIKI DI ALUMINIO = 5 KILO. (RISAIKEL)
10 KILO DI SOBRÁ DI PLÈSTIK. (FUSE CARIBBEAN)
86 KILO DI SOBRÁ DI ROTSOI. (LÈNTFÉL)
UN TOTAL BERGONSOSO PWES DI 256 KILOOOOOO !!!!!
RUIM OP BO ROTSOI MANERA DEBE SER, BON ???
The Kunuku Man ta ekspresá palabranan di apresio i gratitut na e BOLUNTARIONAN FANTÁSTIKO di awe. Esta duru boso a traha awe atrobe.
MASHA MASHA MASHA DANKI !!!
Tip di siman di the Kunuku Man :
Tapa di hoooopi kliko kant’i kaminda ta bula habri i hopi shushi ta bula bai. Pa evitá esaki, SIMPLENTE buta un piedra riba e tapa. Na nomber di Kòrsou danki di antemano !!!
Si bo ta duda pa bin yuda ku e akshonnan di limpiesa, pone bo duda un banda i App the Kunuku Man, oké ? +59995638674.
Pa mas informashon tokante e PROBLEMA di shushi bishitá www.kunukuman.com
Finalmente the Kunuku Man ta deseá un i tur un siman plasentero peeeeeeeero tambe unu Limpi.🤠
Korda kompartí ! 👊🏽