#219 Caracasbaai – playa

👍🏾🇨🇼👍🏾Kòrsou MESTER BIRA MAS LIMPI!!! 👍🏾🇨🇼👍🏾

Estimado kompatriotanan.

Awe (8 di yuni) e “Mihó team di limpiesa di Kòrsou” tabata ront di e playa di CARACASBAAI.

For di e rotonde e BOLUNTARIONAN FANTÁSTIKO a traha hopi duru i The Kunuku Man por bisa ku tabata atrobe un enorme porkería. Wak e lista sin yora si, ok?

720 BÒTER DI SÉRBES BASHÍ = 144 KILO (BAKI DI GLAS)

300 BLIKI DI ALUMINIO = 4 KILO (RISAIKEL)

500 BÒTER DI PLÈSTIK = 10 KILO (GREEN PHENIX)

91 KILO DI SOBRÁ DI ROTSOI (LÈNTFÉL)

UN TOTAL BERGONSOSO PWES DI 249 KILOOOOOO!!!!!

RUIM OP BO ROTSOI GEWOON MANERA DEBE SER, OKÉ?

Naturalmente tambe palabranan di apresio i gratitut ta bai na e BOLUNTARIONAN FANTÁSTIKO di awe. Na nomber di “nos” isla, MASHA MASHA DANKI pa boso dedikashon inkansabel.

Tip di siman di the Kunuku Man:
Bo outo ta yen di kos di bebe i kome? Ban CARACASBAAI pa disfrutá. Peeeeeerero bai ku saku di plèstik. PAKIKO??? Pa tira bo shushi aden i tiré den kliko na kas, tòg? Un esfuerso chikitu ademas Caracasbaai tambe ta keda limpi atras.

Bo tambe ke yuda ku e akshon di limpiesa? Djies manda un app pa the Kunuku Man riba +59995638674 i pronto nos ta mira otro. Di antemano bon biní na e team fantástiko di boluntarionan.

Pa mas informashon tokante e problema di shushi aki bishitá www.kunukuman.com

The Kunuku Man ta deseá un i tur un siman plasentero peeeeeeeero tambe unu Limpi. 🤠

Korda kompartí! 👍🏾