#247 Kaminda pa Wèspén entre Sambil
👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾
Na tur ku ta lesa e mensahe aki.
Awe (11 di yanüari) e akshon di Limpiesa semanal tabata unu hooooopi tristu. DIKON ANTO?
Pa motibu ku riba in distansia di 2500 meter e resultado tabata hooooopi desepshonante. Simplemente un BERGUENSA !!!!
Awe tabata na tur o Kaminda pa Wèspén entre Sambil i e pomp di Kòrsou.
Wak kiko bo a regalá Kòrsou riba un distansha di 2500 meter pues.
🔽🔽
825 X BÒTER DI SÉRBÉS BASHÍ = 165 KILO. (BAKI DI GLAS)
375 X BLIKI DI ALUMINIO = 5 KILO. (RISAIKEL)
550 X BÒTER DI PLESTIK = 11 KILO. (RISAIKEL)
117 KILO DI SOBRÁ DI ROTSOI (LÈNTFÉL)
PA UN TOTAL BERGONSOSO DI 298 KILOOOOO !!!
UN KÒRSOU LIMPI TA KUMINSÁ SERKA BO MES, TÒG ???
Awe e “Mihó Tim di Limpiesa di Kòrsou” a ser akompañá pa 4 studiante i 4 turista.
E Boluntario FANTÁSTIKONAN di awe a traha duru.
The Kunuku Man for di aki ké ekstendé palabranan di sinsero gratitut na e tremendo boluntarionan aki pa boso aporte.
MASHA MASHA MASHA DANKI.
Bo tambe ku ké yuda ku e akshonnan di limpiesa semanal ? Djies app riba +59995638674 i e Tim di Kunuku Man lo rosibi bo brasa habrí.
Tip di siman di the Kunuku Man :
Hunga loko un siman i stop di tira ROTSOI tur kaminda riba e isla.
DJIES RUIM OP BO ROTSOI MANERA MESTER TA, BON? GANASHI PA TIR HENDE.
Pa mas informashon tokante e PROBLEMA DI SHUSHI akinan: www.kunukuman.com
Finalmente the Kunuku Man ta deseá tur ku a lesa e informashon un siman felis pero primordialmente unu limpi.🤠
Kompartí ta wordu altamente apresiá.👊🏽