#101 Yellow house – Saliña

👍🏿🇨🇼👍🏿 Korsou MESTER ta mas Limpi!!!👍🏿🇨🇼👍🏿

Halloooooo Korsou.

Awe (6 di november) atrobe tabatin e akshon di limpiesa semanal na YELLOW HOUSE SALIÑA. Apenas 3 siman pasá e mihó team di limpiesa di Korsou a limpia 200 kilo di ROTSOI. I awe lamentablemente no tabata mihó. Pa motibo ku (ainda) no tin kliko einan nos a laga algun saku di shushi kologá. Ban spera ku e hendenan ta tira nan afval eiden.

Un esfuerso chikitu, tòg? Foto 2 i 3 ta mustra precies kon mester ta. Hopi bon!!!!!!P.s. Pone atenshon kon limpi bunita serka e negoshante aki ta. Un bon ehèmpel pa hopi.👍🏿)

Aki ta sgi e lista ya konosí;

225 x BLIKI DI ALUMINIO = 3 KILO (Risaikel)

240 x BOTER DI PLESTIK. = 6 KILO (Risaikel)

420 x BOTER BASHÍ. = 84 KILO = (Baki di glas)

68 KILO DI SOBRÁ DI ROTSOI. (LANDFILL)

TOTAL ATROBE DI MASSSS !!! 162 KILO.

RUIM OP BO ROTSOI MANERA MESTER TA, OKÉ????

Kunuku Man atrobe ta ekspresá palabranan di respet pa e boluntarionan fantástiko ku awe atrobe a traha hopi duru. Na nomber di Korsou, MASHA DANKI. !!!!!!!!!

Tip di siman di Kunuku Man;

Kiko abo ta hasi???

1. Kome bo kuminda i tira e baki di fóm den naturalesa?
2. Kome bo kuminda i ruim op e baki di fóm?

SIMPEL TOG!!!!!

BAI pa opshon 2 pa asina “nos” isla ta bira limpi mas lihé, oke?

Kunuku Man ta deseá un i tur un siman dushi i plasentero pero primordialmente unu LIMPI 🤠.

Pa mas i formashon tokante e problema di shushi na Korsou bishita mi wèpsait https://kunukuman.com/

Naturalmente tin mag di kompartí 👊🏿