#272 Schout bij Nacht Doormanweg (Roze Olifant)
👍🏾🇨🇼👍🏾 KÒRSOU MESTER TA MAS LIMPI !!! 👍🏾🇨🇼👍🏾
Estimado habitantenan di nos isla,
Dankí na yudansa di un famia ku ta biaha rònt mundu, awe (9 di ougùstùs) 17 par di man a yuda limpia e asera (sentral) di Schout bij Nacht Karel Doormanweg, entre Cas Coraweg i Palm Notary. Nan a saka nada ménos ku 234 kilo di sushi!
Si nos kalkulá esaki segun e tarifanan di resiklahe pa glas, boter di plestik i bleki di aluminio ku bo entregá, e “botin” di awe tabata XCG 85,55.
💰👍🏾💰
Riba e potrètnan por mira e kantidat akí, bon empaketá, promé ku a transpotánan. E otro sushi ta den e sakunan bèrdè: kùp di plestik , baki di fóm, saku di chips i otro materialnan di plestik. Huntu 52 kilo! Sin ningun balor i dañino pa medio ambiente…
Kiko tur a kolektá? ⬇️⬇️⬇️
BOTER DI SERBES BASHÍ: 162 KILO.
BLEKI DI ALUMINIO: 7 KILO.
BOTER DI PLESTIK: 13 KILO.
RESTU DI SUSHI: 52 KILO. (LÈNTFÉL))
TOTAL: UN TRISTU 234 KILOOOOOOO. 🤮🤮🤮🤮🤮
Pues shonnan, STOP STOP di benta tur kos pafó! Entregá bo glas, boternan di plestik i blekinan di aluminio i risibí plaka! 💰💰💰
➡️ www.kunukumanrecycle.com ⬅️
💪🏿🇨🇼💪 Huntu nos ta fuerte. 💪🇨🇼💪🏿
The Kunuku Man ta ekspresá aki su sinsero apresio i gratitut na e FANTÁSTIKO BOLUNTARIONAN di awe.
Masha, masha danki! 👏🏿❤️🇨🇼❤️👏🏿
Tip di siman di The Kunuku Man:
Kunuku Man Recycle (Facebook) 👍🏾
Pa mas informashon tokante e PROBLEMA DI SUSHI aki na Kòrsou, bishitá: www.kunukuman.com
Pa finalisá, The Kunuku Man ta deseá tur hende ku a lesa e mensahe akí un DUSHI peeeeeeeeeero, sobretodo, un SIMAN LIMPI! 🤠
Kompartí ta naturalmente masterrrrrrr! 👊🏽
