#251 Weg naar HATO

👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾

Apresiabel Kompatriotanan.

Awe (8 di februari ) e Mihó Tìm di Limpiesa di Kòrsou a traha masha duru riba e kaminda WEG NAAR HATO. Na total a limpia tantu na banda drechi komo banda robes un distansha di 3 kilometer di shushi. Tabata un situashon INKREÍBLEMENTE BERGONSOSO !!!

No spanta di e lista aki bou 🔽🔽

840 X BÒTER DI SÉRBÉS BASHÍ =168 KILO. (BAKI DI GLAS)

375 X BLIKI DI ALUMINIO = 5 KILO. (RISAIKEL)

750 X BÒTER DI PLESTIK = 15 KILO. (GREEN PHENIX)

119 KILO DI SOBRÁ DI ROTSOI (LÈNTFÉL)

PA UN TOTAL BERGONSOSO DI 307 KILOOOOO !!!

RUIM OP BO ROTSOI MANERA DEBE SER, BON ??

The Kunuku Man for di aki ké ekstendé palabranan di sinsero gratitut na e BOLUNTARIONAN FANTÁSTIKO di awe. Kada un di boso ta berdadero HEROE.
MASHA MASHA MASHA DANKI.

Masha danki na Coca Cola pa e donashon di awe atrobe.
https://www.kunukuman.com/index.php/2026/02/05/donatie-ontvangen/

Tip di siman di the Kunuku Man :
Stop di tira bo shushi riba kaya. Bai ku un saku den bo outo i tira e shushi eiden, ora yega kas ta tiré den bo kliko. Asina simpel e kos ei ta!!!

UN KÒRSOU LIMPI TA KUMINSÁ SERKA BO MES !!!

Esnan ku ké yuda ku e akshonnan di limpiesa semanal djies app riba +59995638674 i di antemano Bon Biní.

Pa mas informashon tokante e PROBLEMA DI SHUSHI akinan : www.kunukuman.com

Djadumingu próksimo 15 di februari ta Karnaval i hopi hende ta partsipá. Pesei dia 15 februari lo NO tin akshon di limpiesa.

Di mes the Kunuku Man ta deseá tur hende un dushi Karnaval i korda mantené limpi, bon ???

Finalmente the Kunuku Man ta deseá tur ku a lesa e informashon un siman felis pero primordialmente unu limpi.🤠

Kompartí ta wordu altamente apresiá.👍🏾