#217 Caracasbaaiweg (Eden Mall)

👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾

Estimado kompatriotanan.

Awe e dia a kuminsa di un manera masha speshal pa the Kunuku Man. Awe mainta 09.01 (ora di Hulanda) e heredó di mi tribu a yega riba e mundo aki. 🎉 🎉 🎉. Ta un baron precioso i su nomber ta LION. Mas orguyoso un welo no por ta.

Despwes ku tur emoshonanna a kalma poko por a kuminsa ku e akshon di limpiesa semanal.
Pwes ku hopi animo nos a bai CARACASBAAIWEG (EDEN MALL). E team a konsistí di 8 BOLUNTARIO FANTÁSTIKO. Huntu nos a libra Caracasbaaiweg di gran kantidat di shushi ku ta keiru.

Wak e lista ya tan konosí aki bou.

445 X BÒTER DI SÉRBES BASHÍ = 89 KILO. (RISAIKEL)

300 X BÒTER DI PLÈSTIK = 6 KILO. (GREEN PHENIX)

150 X BLIKI DI ALUMIO = 2 KILO. (RISAIKEL)

36 KILO DI SOBRÁ DI ROTSOI.(LÈNTFÉL)

UN TOTAL INNESESARIO DI 133 KILOOOOOO DI ROTSOI !!!!!

ESEI NO MESTER TA EINAN, TOG SHONNAN ?

PWES RUIM OP BOSO ROTSOI MANERA MESTER TA, BON ???

The Kunuku Man ta ekspresá palabranan di apresio i gratitut na e BOLUNTARIONAN FANTÁSTIKO di awe. Na nomber di Kòrsou
MASHA MASHA DANKI.

Tip di siman di the Kunuku Man :
KLIKO KANT’I KAMINDA ???
PONE UN PUEDRA RIBA E TAPA DI E KLIKO !!!
TA HASI UN DIFERENSHA ENORME KU SHUSHI KU TA BULA BAI. Dankiiiiii.

Pa mas informashon tokante e problema di shushi aki bishitá www.kunukuman.com

The Kunuku Man ta deseá un i tur un siman plasentero peeeeeeeero tambe unu Limpi. 🤠

Korda kompartí!👍🏾