7 kolekshon di bòter di plèstik, Barber.
👍🏾🇨🇼👍🏾Korsou MESTER bira mas limpi.👍🏾🇨🇼👍🏾
Apresiable Kompatriotanan
Awe (20 di mei) atrobe tabatin e di 7 kolekshon di bòter di plèstik i blìki di aluminio i e biaha aki e boluntarionan fantástiko tabata klá pará dilanti di misa na Barber.
Lamentablemente oteonan tabatin menos animo. Apesar di esei tabatin un bon ambiente i tòg a kolektá 1160 bòter di plèstik i 3 kilo di blìki di aluminio
Esei tabata tiki?
The Kunuku Man ta pensa ku sí pasó na unda riba e isla aki bo ta haña sen pa bòter di plèstik?
Pwes shonnan si bo ké gana sen bini e próximo akshon di kolekshon i entregá bo bòternan i blìkinan oké???
Pa fechanan di entrega check riba
https://kunukuman.com/index.php/2023/04/05/data-inzamelacties/
Ademas a logra piki 30 kilo na bòter di SÉRBÉS bashí i 14 kilo na ROTSOI
MASHA, MASHA DANKI NA TUR E BALENTENAN DI AWE.
SHONNAN PIKI BOSO ROTSOI MANERA DEBE SER, OKÉ???Un tip chikitu di The Kunuku Man:
Piki huntu ku bo yunan bòter i bliki. UNDA????! Di riba kaya, den mondi, na playa i tur kaminda. Entregá nan i bo yunan lo tin un extra sèn. I nos isla lo bira mas limpi.
Mañan (21 di mei) e di 125 akshon di limpiesa ta rònt di club di bala Willemstad. Bin yuda un ratu, oké?
Un saludo kaloroso di The Kunuku Man
Kompartí trankilamente!!!