Akshon di kolekshon no. 14

Na momentu ku tin kantidat di hende ku sakunan yen di materiaal di risaikel ta warda The Kunuku Man su jegada, nos por papia di un exito rotundo, tòg? Último lunanan nos a tene diferente akshon di kolekshon di materiaal kaminda por a entregá bòter di plèstik i blítki di aluminio a kambio di sèn.

Awe 2 di september tabata e último dia di e akshon di patrosinahe aki a tuma lugá. I na e kokashon kaminda e proceso di risaikel ta tuma lugá. Ya bo por inmaginabo kaba ku nos tabata na Green Phenix na Zeelandia.

Despwes di un inisio un poko kaótiko ya ku tur hende ké a entregá nan bliki i bòternan, nos a bin haña untiki bista riba henter e situashon. E konteo di bliki i bòternan a bai mas lihé. I The Kunuku Man ku semper ké saka potret ku otro hendenan etc.

E intenshon di henter e akshon aki tabata pa konsientisá habitantenan di e bunita isla aki di e importansha di risaikel material.

Irespekto Si esaki ta producí algun beneficio òf nò, risaikel ta indispensabel.
Laga nos ta sinsero nos isla no ta bunita ku tantu shushi ku ta dualu rònt tur kaminda. Nos ta ripití e mensahe. Shonnan tira shushi den kliko i no riba kaya of den mondi.
E último akshon di kolekta, pa loke ta trata finansas tabata alentador. Nos lo por sigi ku e akshon aki?
Pero afortunadamente sra. Bea (habitante di e isla aki) tabata presente i a patrosiná e kausa aki ku awe tur kos por a kana sin problema finansiero.

I komo awe ya kaba tabata tin un ambiente festivo The Kunuku Man a keda sorprendí pa e organisashon Turístiko Caribiooh! Nan a opsekiá un check na balor di fl. 1000,-
E suma aki lo bai kompletamente pa e konstrukshon di kouchi riba e pickup di The Kunuku Man.
Nos gratitut ta enorme! Masha masha danki Caribiooh!

Ban bek pa ordu di dia. Kiko a kolektá awe na materiaal?

22.171 BÒTER DI PLÈSTIK.
50 KILO BLIKI DI ALUMINIO.

IN TOTAAL ;
89.682 x BÒTER DI PLÈSTIK.
33.150 x BLIKI DI ALUMINIO = 443 kilo.

E akshon aki tabata un eksito tambe danki na e boluntarionan. Pa e motibu aki nos ta gradisí nos boluntarionan inmensamente pa nan trabou duru. Masha masha danki, dank jullie wel, thank you, danke schön, abrigado pa boso dedikashon. Sin bosnan……… afijn Bosnan tur sá bon, bon!

I naturalmente un danki na tur nos patrosinadónan. Nos ta menshonánan aki bou:

Patrosinadó prinsipal

• Sra. Bea.
• Firma Firgos, groothandel.
• Zeelandia scrap center.
• Itman nv. Makers van Payroll4
  • -Firma Sluis, bureau telecommunicatie en post.
• Autoschadebedrijf Scherpenheuvel
• CARIBIOOH!( Share your Happiness )
  • Ingrid- un sra.
    

Anónimo riba e isla. Shonnan sigi risaikel pa Korsou un dia por ta e “Perla den Karibe” atrobe.