Fundashon Kultural Bandabou

Korsou, 23 september 2023

Topiko: Invitashon Baluarte

Apresiabel sr. Kunukuman

Pa medio di esaki, direktiva di Fundashon Kultural Bandabou ke pidi bo atenshon pa lo siguiente:

E aña aki nos lo selebrá pa di 25 bia dia di Bandabou. Den kuadro di e selebráshon aki a bira un kustumber ku nos ta duna rekonosementu na algun instansia, persona i /àf empresa ku nos ta haña ku meresé un rekonosementu pa e trabounan balioso ku nan a bin ta ehersé na benefisio i desaroyo di Banda Bou.

Despues di un evaluashon, nos a disidi di duna un rekonosementu na bo persona pa bo kontribushon na e parti di limpiesa den bario di Bandabou.

Relashoná ku esaki, nos lo tin un enkuentro ofisial na kua nos ke invitá bo pa risibí un muestra di rekonosementu i apresio. Pa e okashon aki bo ta liber pa bin ku maksimo 2 persona.

E fecha ta: djadumingu 1 oktober 2023 pa 11 or di mainta, na parke Himno i Bandera na Barber.