#263 KAYA FRATERNAN DI SKÈRPÈNÈ

👍🏾🇨🇼👍🏾KÒRSOU MESTER BIRA MAS LIMPI !!! 👍🏾🇨🇼👍🏾

Apresiabel Kompatriotanan.

Awe (31 di mei ) e Mihó Tìm di Limpiesa di Kòrsou tabatin 9 TREMENDO BOLUNTARIO ku a traha masha duru mes na KAYA FRATERNAN DI SKÈRPENÈ. E kaminda aki ta un “short cut” pa hopi outomobilista pero lamentablemente tambe nan ta usé komo Lèntfél.
Ta hopi tristu tur loke ta piki ayanan.

Wak 🔽😡🔽😡⬇️

480 X BÒTER DI SÉRBÉS BASHÍ = 96 KILO. (BAKI DI GLAS)

225 X BLIKI DI ALUMINIO = 3 KILO. (RISAIKEL)

450 X BÒTER DI PLESTIK =. 9 KILO. (RISAIKEL)

91 KILO DI SOBRÁ DI ROTSOI. (LANDFILL)

PA UN TOTAL BERGONSOSO DI 199 KILOOOOO !!!

Shonnan STOP STOP STOP ku e kondukta di tira shushi unda ku ta i RUIM OP BO ROTSOI MANERA DEBE SER, BON ??

SELIKOR “mester” bin kwe e 3 seru di ROTSOI ku ta bisto* riba e imahennan. Mañan the Kunuku Man ta yama Selikor i spera ku nan ta bin rekohé nan mas pronto posibel.

The Kunuku Man for di aki ké ekstendé palabranan di sinsero gratitut na e BOLUNTARIONAN FANTÁSTIKO di awe.
MASHA MASHA MASHA DANKI.

Tip di siman di the Kunuku Man :
Bo ta bai sali ku bo outo ?
Bai ku un saku pa tira shushi aden den bo outo!! ROTSOI den e saku !!!
I na kas tir’é den bo KLIKO.
Asina FASIL e por ta !!!
Dimes bo ta risaikel glas, bliki i bòter di plestik, tòg ???
Hopi bon i danki di antemano.

Risaikel di glas.

Esnan ku ké yuda ku e akshonnan di limpiesa semanal djies app riba +59995638674 i nos ta mira otro pronto, tòg?

Pa mas informashon tokante e PROBLEMA DI SHUSHI akinan: www.kunukuman.com

Finalmente the Kunuku Man ta deseá tur ku a lesa e informashon un siman felis pero primordialmente unu limpi. 🤠

Kompartí ta wordu altamente apresiá.👍🏾