The Kunuku Man a bai skol bek.

The Kunuku Man a bai skol bek. Nan a siña algu aserka? Despwes di e tantísimo bishita na un skol? Sigur ku sí.
Ku The Kunuku Man ta bira hopi konosí riba e isla.

Awe e Team tabata di bishita na skol SNA- Marnix FO na Rio Canario pa duna informashon tokante e problema di shushi riba nos bunita isla. E oudiensia tabata e publiko di mas chikitu i mas jong ku nos a yega di duna e informashon. E atenshon tabata tremendo. Kasi tur a kompartí nan eksperiensia di nan manera di atendé ku shushi na skol, riba kaya i na kas.

Ku hopi pashon Anna Maria i Michael ta konta kon nos ta atendé ku e shushi. I na momento ku nan a tende kiko tur nos ta topa durante e akshon nan di limpiesa di tur djadumingu, por ehèmpel pampers, por a skucha nan asombro i disgusto.

Despwes di e parti informativo tabatin un seshon chikitu di limpiesa riba e plenchi di rekreá i esaki a tuma lugá ku hopi entusiasmo. I den un ratu di ora e plenchi tabata limpi i bunita.

Ku e speransa ku e konsiensia serka e publiko yong aki ku biba riba un isla limpi ta hopi mas dushi ku biba riba un isla shushi nos a despedí, pero promé nos a saka un potret huntu.