#202 Playa Kenepa Grandi.

KORSOU MESTER BIRA MAS LIMPI!!!

Na tur Shushadónan ku ta bishitá Playa Kenepa Grandi.

Awe (26 di yanüari) e “Mihó team di limpiesa di Kòrsou” tabata di bishita na Playa Kenepa Grandi.
E team awe no tabata bon representá ya ku hopi boluntario a partisipá na e kaminada di “Walk of the Roses”. Hopi Bon!!!
Apesar di esaki, ku apenas 7 BOLUNTARIO FANTÁSTIKO, nos a kolektá un kantidat di 130 kilo di ROTSOI.

Tabata na di e ronchi i espasio pa parker largu.
Un dushi día na laman pa despwes gewoon tira bo ROTSOI den mondi banda di bo auto.
PAKIKO?? PAKIKO??
RUIM OP BO ROTSOI MANERA MESTER TA, BON?

Wak e lista ya tan konosí aki bou
380 X BÒTER DI SERBES BASHÍ =76 KILO (BAKI DI GLAS) KUAL TA EKIVALENTE NA 16 KAHA DI SERBES. KON POR TA??
400 X BÒTER DI PLESTIK = 8 KILO (RISAIKEL)
300 X BLIKI DI ALUMINIO = 4 KILO (RISAIKEL)
SOBRÁ DI PLESTIK = 3 KILO (FUSE CARIBBEAN)
UN TOTAL BERGONSOSO DI 130 KILOOOOOOOOO!!!

SHONNAN STOP, STOP, STOP KU E KONDUKTA DI TIRA KOS AFÓ AKI I TENE “NOS” ISLA LIMPI.

Siman pasá the Kunuku Man huntu ku Michael a duna un seshon informativo na ALBERT SCHWEITZER SCHOOL. Bo ké sa kon esaki a bai? Mira e link: https://kunukuman.com/index.php/2025/01/24/kunuku-man-bezoekt-dr-albert-schweitzerschool/

Tip di siman di the Kunuku Man:
Liberá huntu ku bo besiñanan bo(so) kaya di shushi ku ta bula. Huntu un esfuerzo chikitu pero ku un resultado ku ta hasi un diferensha GRANDI.
Pa esnan ku ké yuda ku e akshonnan di limpieza semanal por app the Kunuku Man riba: +59995638674. No duda mas i nos lo topa otro siman na e proksimo akshon di limpiesa.
Sea Bon Biní.
Pa mas informashon tokante e problema di PROBLEMA DI SHUSHI wak riba http://www.kunukuman.com.

Finalmente the Kunuku Man ta deseá tur ku a lesa e informashon aki un siman felis pero mas importante unu LIMPI. 🤠
Korda kompartí.👍🏾