#214 Pa parker rònt di SVB

👍🏾🇨🇼👍🏾KÒRSOU MESTER BIRA MAS LIMPI !!! 👍🏾🇨🇼👍🏾

Estimado kompatriota.

Awe e “mihó team di limpiesa di Korsou” a limpia e espasio pa parker rònt di SVB. E totalidat na kilo lo no tabata hopi. Peeeeeero mi por divulgá ku tabatin sentenares di papel di mangel, empake di plestik di pipa, karchi di telefòn i hooopi mas ROTSOI bentá eibou. I esei tabata sumamente difísil pa limpia.

E BOLUNTARIONAN FANTASTIKO ku awe tabata presente a duna un tremendo prestatshon den un higra di solo. Un danki grandi na boso tur.

E total na kilo tabata 66.

Tip di siman di the Kunuku Man:
Bo ta bai sentro di ciudad? Kana bai bo outo bek? Tira shushi ku ta bula den un saku i tiré afó den bo kliko na kas. Pero no tira sin mas riba “nos isla”, bon?
Un esfuerso minimo pero ku un GRAN diferensia.

Djaluna último, 28 di aprél tabatin un akshon di Limpiesa ku ALBERT SWEITZER COLLEGE PARERA. WAK https://kunukuman.com/index.php/2025/05/01/grote-schoonmaak-bij-a-schweitzercollege/

Djarason último 30 di aprèl un akshon di limpiesa ku MARNIX COLLEGE RIO CANARIO.
WAK https://kunukuman.com/index.php/2025/05/01/marnix-college-schoont-san-pedro-vlakte-op/

NOS HOBENNAN TA NOS FUTURO.

Pa hopi informashon tokante e PROBLEMA DI SHUSHI bishitá: www.kunukuman.com

Si bo tambe ké yuda ku limpiesa, djies app the Kunuku Man, oké?
+59995638674.

Finalmente the Kunuku Man ta deseá un i tur un siman limpi.🤠
Korda kompartí !! 👊🏽