#95 Kolonelsweg
👍🏿🇨🇼👍🏿Korsou MESTER BIRA mas limpi !!!👍🏿🇨🇼👍🏿
Na tur shushadó di nos bunita isla.
Inmaginabo mes un ratu;
KOLONELSWEG.
UN TOTAL DI APENAS 600 METER A HASI LIMPIESA.
Di kiko e Mihó team di limpiesa di Korsou awe (dia 25 di sèptember) a librá e isla aki?
6 TIRE DI AUTO, FRIGIDAIRE,HOOOOPI BÒTER BASHÍ DI ROM/SÉRBÉS, FOAM , BÒTER DI PLESTIK, 8 BATERIA DI OWTO., KAHA DI KARTON, BLIKI DI ALUMINO, TUR SORTO DI MATERIAL DI EMPAKETÁ, RÈKI PA SEKA PAÑA, PAÑA ETS. , ETC., ETC.
aki ta digi e lista bergonsoso;
600 x BLIKI DI ALUMINIO. (8 KILO) RISAIKEL.
1890 x BÒTER DI SÉRBÉS/ROM (378 KILO) BAKI DI GLAS.
720 x. BOTER DI PLESTIK (18 KILO) RISAIKEL.
363 KILO SOBRÁ DI ROTSOI.
UN TOTAL LAMENTABEL DI 767 KILO !!!!!
INKREÍBEL ———– INKREÍBEL !!!!!!!!!!
E Kunuku Man ekspresá su palabranan di gradisimentu na esnan ku awe a traha hopi duru.
MASHA—MASHA—MASHA—MASHA DANKI.
Ju i suegra di Kunuku Man a sakrifiká un dia di nan fakansi i a hasi un trabou perfekto. E sorpresa ku nan a hiba ora nan a mira e kantidat di ROTSOI nan no por a ekspresá ku palabra. ( ESEI TA BISA HOPI, TÒG???)
Ju i suegra: klase. 💯
TIP DI SIMAN DI KUNUKU MAN ;
Usa bo kliko 1 siman pa kokual e ta destiná i bo shushi grof bo por hiba gewoon Landfill. Di mes ku un net riba dje, oké? ( tin ainda algun net na benta. App Kunuku Man +59996925235)
KORSOU LO GRADISIBO.
Pa mas informashon tokante e problema di shushi bishitá mi wèpsait : https://kunukuman.com/
E Kunuku Man an ta deseá un i tur un siman dushi, bunita pero tambe unu LIMPI
