#276 ABRAHAM MENDES CHUMACEIRO BLV.
👍🏾🇨🇼👍🏾 KÒRSOU MESTER BIRA MAS LIMPI!!! 👍🏾🇨🇼👍🏾
Bon dia, tur siudadano di Kòrsou😅
Awe (1 di novèmber), den di un kayente di solo “E mihó tim di limpiesa di Kòrsou” a limpia un bon pida di ABRAHAM MENDES CHUMACEIRO BLV.
Kiko nos a rekohé? ⬇️
425 BOTER DI SÉRBÉS BASHÍ = 85 KILO
225 BLEKI DI ALUMINIO = 3 KILO
300 BOTER DI PLÀSTIK = 6 KILO
SOBRÁ DI SHUSHI = 58 KILO
PA UN TOTAL TRISTU DI 152 KILOOOOOO!
STOP, STOP, por fabor, ku e kustumber di tira shushi tur kaminda. Benta bo SHUSHI kaminda e ta pertenesé, oké? Danki di antemano!
The Kunuku Man ta duna un KOMPLIMENTU grandi na e boluntarionan FANTÁSTIKO di awe. Boso ta un ehèmpel pa hopi hende. Masha, masha danki pa tur e trabou ku boso a hasi!
Durante e pausa pa bebe algu i kome fruta, e boluntarionan a risibí un boter di awa KANOOBA komo regalo di INTERBRANDS CARIBBEAN BV. Masha danki pa e donashon bunita i práktiko aki. MASTERRRR!!! Tur hende a apresiá e regalo enormemente!.
Tip di siman di the Kunuku Man
Bo a pone bo kliko na kaya pa rekohé? Pone un piedra riba e tapa. Asina bo ta evitá ku bientu ta bula bai ku HOPIIIIIIIII shushi. Un tiki esfuerso ta hasi un gran diferensia.
Bo ke yuda? Manda un WhatsApp na the Kunuku Man na +59995638674. Nos ta mira otro pronto, berdat?
Bishitá e wepsait www.kunukuman.com pa mas informashon tokante e problema di SHUSHI aki na Kòrsou.
Pa finalisá, the Kunuku Man ta deseá tur hende ku a lesa e mensahe aki un siman BUNITA, ku hopi SOLO, peeeeeeeero prinsipalmente un siman LIMPI! 🤠
I si bo kompartí e mensahe, esei ta topppppiiieeeeeee! 👍🏾