Kèsh pa Trèsh! E 1e akshon di Kolekshon ta un hecho.

Awe e promé akshon di kolekshon di e Team di Kunukuman a tuma lugá.
Si akaso bo no ta na altura di e akshon aki;
The Kunukuman ta duna sèn kèsh pa kada bliki i boter di plèstik. Esakinan por wordu entregá riba un fecha i na un lokashon palabrá a kambio di sèn kèsh.
Por klick aki pa lesa tur informashon enkuanto e akshon.
Nos por papia di un eksito moderá. No tabatin gran kantidat di afval pero sí un flugo konstante di entrega di bliki i bòter di plèstik. Miembronan di e Team presente a risibí, konta òf pisa e material entregá.
Segun palabrashon e personanan a risibí pago pa e kantidat di material ku nan a entregá. Ademas nan a risibí un “tegoed bon” di firma Van der Tweel.
Un total di 1985 bòter di plèstik a keda entregá, kual ta ekivalente na kontenido di 2 “Big Bags” yen.
Kontá na man!
Green Phenix a bai ku tur e bòternan di plèstik pa risaikel. 11 kilo di bliki di aluminio a ser kolektá i esakinan tambe ta bai pa resiklahe.
E mayoría di e afval a keda entregá pa un tata ku a bini ku su 2 yunan. Despwes di e kontéo kada unu a tira fl. 5,50 den nan spotchi di spar.
Un Gran elogio na e 2 muchanan i nan mayornan ku di e manera aki ta duna e bon ehèmpel.
Di mes no mester lubida e boluntarionan ku riba un djasabra atrobe ta hasi “akto di presensia”pa kordiná pa tur kos kana bon riba un dia asina’ki.
Un danki speshal ta bai na restorant Bali ku a permiti noshasi uso di nan espasio di parkeo.
Ademas un danki di kurason pa e sabroso sorpresa ku a wordu sirbí na nos na final di e akshon.
