#264 Yellowhouse, Saliña
👍🏾🇨🇼👍🏾KÒRSOU MESTER BIRA MAS LIMPI !!! 👍🏾🇨🇼👍🏾
Na tur ku ta lesa esaki.
Awe (7 di yuni) e premio ganadó a kai na KAYA C-WINKEL en KAMINDA SALIÑA. E Tìm TREMENDO a traha hopi duru i awe Kòrsou ta un poko mas limpi!!! Tabatin bastante ROTSOI chikitu i difísil pa rekohé.
Kiko tur a piki awe ??? 🔽🔽
440 X BÒTER DI SÉRBÉS BASHÍ = 88 KILO. (BAKI DI GLAS)
420 X BLIKI DI ALUMINIO = 6 KILO. (RISAIKEL)
350 X BÒTER DI PLESTIK =7 KILO. (RISAIKEL)
76 KILO DI SOBRÁ DI ROTSOI (LÈNTFÉL)
PA UN TOTAL BERGONSOSO DI 177 KILOOOOO !!!
Un petishon amabel pero hoooooopi serio pa RUIM OP BO ROTSOI MANERA DEBE SER, BON ??
UNIKAMENTE HUNTU NOS POR LOGRA UN KÒRSOU LIMPI !!
Awe tambe the Kunuku Man ké ekstendé palabranan di sinsero gratitut na e BOLUNTARIONAN FANTÁSTIKO di awe. Un pa un HÉROENAN.
MASHA MASHA MASHA DANKI.
Tip di siman di the Kunuku Man:
KLIKO kant’i kaminda pa Selikor ??
Pone un piedra riba e tapa pa evitá shushi ku ta bula.
E ta prevení hopi shushi ku ta bula bai.Un Esfuerso minimo tòg? Masha Danki.
Esnan ku ké yuda ku e akshonnan di limpiesa semanal djies app riba +59995638674 i nos ta risibi bo ku brasa habrí.
Nos a bolbe risibí di firma Firgos
https://www.kunukuman.com/index.php/2026/06/02/mooie-donatie-ontvangen-van-de-firma-firgos/
Pa motibu di fútbol djadumingu 14 di YUNI LO NO TIN AKSHON DI LIMPIESA
Pa mas informashon tokante e PROBLEMA DI SHUSHI akinan: www.kunukuman.com
Finalmente the Kunuku Man ta deseá tur ku a lesa e informashon un siman felis pero primordialmente unu limpi.🤠
Kompartí ta wordu altamente apresiá.👏🏿