|

#278 Caracasbaaiweg (Zuurzak)

👍🏾🇨🇼👍🏾 KÒRSOU MESTER TA MAS LIMPI !!! 👍🏾🇨🇼👍🏾

Estimado habitantenan di nos isla,

Awe (15 di novèmber), e ” mihó tim di limpiesa di Kòrsou ” tabata na CARACASBAAIWEG. Nos a kuminsá na Villapark Zuurzak i for di ei nos a limpia na man robes i na man drechi. Na promé bista, tabata parse ku no tabatin tantu sushi, peeeeeero nos a gaña nos mes! Lamentablemente, atrobe e kantidat total di kilo tabata tristu.

Bo ta kuriooooooso? ⬇️⬇️
390 X PIDA = 78 KILO DI BÒTER BASHÍ DI SÉRBÉS.
225 X PIDA = 3 KILO BLIKI DI ALUMINIO.
350 X PIDA = 7 KILO DI BÒTER DI PLESTIK.
91 KILO DI SOBRÁ DI SUSHI.

UN TOTAL ANTÒÒÒÒÒ DI……179 KILOOOOOO !!!

TA SOLAMENTE HUNTU NOS TA FUERTE, TÒG ???

Un aplouso GRANDI pa nos BOLUNTARIONAN FANTÁSTIKO ku a bin awe i a traha duríííísimo! Masha, masha, masha danki!

Tip di siman di the Kunuku Man:

Bo ta sali ku outo?
Bo ta hiba kuminda i bebida?
Bo a hiba un sakitu pa bo sushi tambe?
Tòòòòòp!

Pone bo sushi den e saku i, ora bo yega kas, benta e saku den bo mes kliko. Tur hende ta gana, i nos isla tambe! Masha dankiiiii !!!

Si bo ke yuda ku nos akshonnan di limpiesa semanal, bo ta mas ku bon biní! Manda the Kunuku Man un WhatsApp na +59995638674 pa apuntá. Nos ta risibí bo ku brasa habrí !

Pa mas informashon tokante e problema di sushi aki na Kòrsou, bishitá nos wèpsait un ratu na www.kunukuman.com⁠.

Pa terminá, the Kunuku Man ta deseá boso tur un siman agradabel, peeeeeero prinsipalmente un siman LIMPI !!!🤠

Di mes noa ta kompartí e mensahe, tòg?👍🏾

Similar Posts

  • #264 Yellowhouse, Saliña

    👍🏾🇨🇼👍🏾KÒRSOU MESTER BIRA MAS LIMPI !!! 👍🏾🇨🇼👍🏾 Na tur ku ta lesa esaki. Awe (7 di yuni) e premio ganadó a kai na KAYA C-WINKEL en KAMINDA SALIÑA. E Tìm TREMENDO a traha hopi duru i awe Kòrsou ta un poko mas limpi!!! Tabatin bastante ROTSOI chikitu i difísil pa rekohé. Kiko tur a piki…

  • #110 Playa Parasasa

    👍🏿🇨🇼👍🏿 Korsou MESTER bira mas Limpi !!!👍🏿🇨🇼👍🏿 Apresiable kompatriota. AKSHON DI LIMPIESA NR. 110. 29 DI YANUWARI 2023. PLAYA PARASASA. BERGUENSA-BERGUENSA- BERGUENSA – BERGUENSA – BERGUENSA !!!! 1055 x BÒTER DI SÉRBÉS BASHÍ = 211 KILO. 450 x BÒTER DI PLÈSTIK = 9 KILO. 300 x BLIKI DI ALUMINIO = 4 KILO. SOBRÁ DI ROTSOI…

  • #274 Nijlweg

    👍🏾🇨🇼👍🏾 CURAÇAO MESTER BIRA MAS LIMPI !!! 👍🏾🇨🇼👍🏾 Estimado Habitantenan di nos Isla. E grupo fiel di boluntarionan di e Team di Kunuku Man a limpia awe 700 meter di asera na Nijlweg, kitando tur loke no ta pertenesé einan. Manera tas di plastik, baki di fóm, kubierto di plestik i otro kosnan liviano di…

  • #120 FRATERNAN SKÈRPÈNÈ

    👍🏾🇨🇼👍🏾Korsou MESTER bira mas limpi !!!👍🏾🇨🇼👍🏾 Na tur ku ta lesa esaki. AKSHON DI LIMPIESA NR. 120 !!!! LOKASHON 16 DI APRIL FRATERNAN DI SKÈRPÈNÈ !!!! ROTSOI KOLEKTÁ 384 KILO !!!! (RIBA UN DISTANSHA DI 3 KILOMETER) KWANTUUUUUUUUUUUU ????? 384 KILO !!!! BERGUENSA–BERGUENSA–BERGUENSA– BERGUENSA–BERGUENSA !!!! E POTRETNAN DI PROMÉ I DESPWES TA BISA SUFISIENTE !!!!…